Հաշվեքննությամբ գնահատվել է 2024 թվականին առկա՝ դեղերի մեծածախ իրացման 171 և արտադրության 28 լիցենզիաների պայմանների պահպանման համապատասխանությունը օրենսդրության պահանջներին։
Ի՞նչ է արձանագրվել.
- Հավաստագրում. Դեղերի պահպանման, բաշխման անվտանգության և որակի ստանդարտների պահպանված լինելը երաշխավորվում է նաև պատշաճ գործունեության հավաստագրման միջոցով։
Դեղերի մեծածախ իրացման 95 և արտադրության լիցենզիա ունեցող 6 տնտեսվարող սուբյեկտներ գործել են առանց սահմանված կարգով ստացված հավաստագրերի։
- Թվային համակարգեր. Բնակչության առողջապահական առաջնահերթ կարիքները բավարարելու համար անհրաժեշտ դեղերի տվյալ պահին (առցանց) առկա քանակների, դրանց մեծածախ առավելագույն հավելագնի վերաբերյալ տվյալներ պարունակող պաշտոնական ինտերնետային կայք ներդրված չէ և չի կիրառվում։
- Բնապահպանական պահանջներ. 2024 թվականին դեղերի մեծածախ իրացման լիցենզիա ստացած 10 տնտեսվարող սուբյեկտներից միայն 3-ն են ներկայացրել վտանգավոր թափոնների վնասազերծման պայմանագրեր։
• Հաշվետվողականություն և հսկողություն. Արձանագրվել են տնտեսվարողների կողմից օրենքով նախատեսված հաշվետվություններ չներկայացնելու կամ ուշացումներով ներկայացնելու, ինչպես նաև lիցենզիայի և իրացման շրջանառության տվյալների անհամադրելիությանուն դեպքեր։
Պալատի առաջարկությունները.
Հսկողական միջոցառումներ. Ներդնել ընթացակարգեր, որոնք թույլ կտան բացահայտել առանց Պատշաճ արտադրական կամ Պատշաճ բաշխման գործունեության հավաստագրերի գործող, հաշվետվությունների ներկայացման պահանջները չպահպանող տնտեսավարողներին և նրանց նկատմամբ կիրառել վարչական պատասխանատվության միջոցներ, ներառյալ՝ լիցենզիաների դադարեցումը:
Թվայնացում և ավտոմատացում. Ներդնել լիցենզիայի պայմանների պահպանումը հաշվառելու միասնական ավտոմատացված համակարգ, ինչպես նաև ապահովել Առողջապահության նախարարության և ՊԵԿ-ի միջև տվյալների ինքնաշխատ փոխանակման հնարավորություն՝ առանց լիցենզիայի գործելու կամ ստվերային շրջանառության ռիսկերը կանխարգելելու նպատակով:
Հաշվետվողականություն և թափանցիկություն. Ներդնել դեղերի մեծածախ վերաբերյալ տեղեկատվության պաշտոնական կայքը և ապահովել կայքում բնակչության առաջնահերթ կարիքները բավարարելու համար անհրաժեշտ դեղերի՝ տվյալ պահին (առցանց) առկա քանակների, դրանց մեծածախ առավելագույն հավելագնի վերաբերյալ տվյալների իրական ժամանակում հրապարակումը։
Աջակցություն և անվտանգություն. Սահմանել տնտեսվարողների հասցեների փոփոխության առցանց իրազեկման պարզ ընթացակարգ և մեթոդական աջակցություն ցուցաբերել վտանգավոր թափոնների վնասազերծման պայմանագրերի կնքման հարցում:
Առաջարկությունների իրագործմամբ ակնկալվում է, որ նախադրյալներ կստեղծվեն դեղերի մեծածախ առևտրի և արտադրության բնագավառում զբաղված տնտեսավարողների գործունեությունն օրենսդրությամբ սահմանված պահանջների պահպանմամբ կազմակերպելու ու ըստ այդմ՝ սպառողներին հասնող դեղերի որակի ստանդարտներին համապատասխանելու երաշխիքների ձևավորման համար։
Ներբեռնել հաշվետվության ամբողջական տարբերակը այստեղ:
Հեղինակ
cocadmin
Lorem ipsum dolor sit amet, consectetur adipiscing elit. Nam viverra euismod odio, gravida pellentesque urna varius vitae. Sed dui lorem, adipiscing in adipiscing et, interdum nec metus. Mauris ultricies, justo eu convallis placerat, felis enim ornare nisi, vitae mattis nulla ante id dui.