2024թ. հոկտեմբերի 11-ին Հաշվեքննիչ պալատի հաստատած հաշվետվությունն ամփոփում է առողջապահական կրիտիկական ֆիզիկական ենթակառուցվածքների (մասնավորապես՝ շենք-շինությունների)՝ արտակարգ իրավիճակներին պատրաստվածության գնահատման արդյունքները:
Ենթակառուցվածքի խոցելիությունը պայմանավորված է այն հանգամանքով, որ այն հիմնականում ձևավորվել է խորհրդային շրջանում և անգամ նախագծային մակարդակում չի բավարարում գործող շինարարական նորմերին:
Հաշվեքննիչ պալատը ներկայացրել է տվյալ բնագավառում հանրային կառավարման բարելավմանը միտված մի շարք առաջարկներ, որոնք ներառում են՝
- ներդնել արտակարգ իրավիճակներին առողջապահական ենթակառուցվածքի պատրաստվածության խզումը գնահատելու և մշտադիտարկելու ինստիտուցիոնալ համակարգ.
- Առողջապահության նախարարության ինստիտուցիոնալ առաջնորդությամբ, պետական և տեղական ինքնակառավարման այլ շահագրգիռ մարմինների, մասնավոր բժշկական հաստատությունների և միջազգային դոնորների հետ համագործակցաբար, մշակել առողջապահական ենթակառուցվածքի դիմակայունության բարձրացման ծրագիր.
- լիցենզավորման, տեսչական ստուգման, կարգավորման և միջազգային համագործակցության գործառույթների արդյունավետ իրականացմամբ ժամանակի ընթացքում նվազեցնել առկա խզումը.
- զարգացնել տվյալ բնագավառում աղետների ռիսկի կառավարման կարողությունները:
Հաշվեքննության իրականացումը հնարավոր է դարձել Առողջապահության նախարարության ու գործադիր իշխանության մյուս պատկան մարմինների հետ համատեղ շահագրգիռ աշխատանքի շնորհիվ:
Հաշվեքննիչ պալատը հետհսկողություն է իրականացնելու հաշվեքննության առաջարկությունների կատարման նկատմամբ՝ առողջապահական ենթակառուցվածքի դիմակայունության բարելավման ընթացքի վերաբերյալ պարբերաբար տեղեկացնելով հանրությանը, Ազգային ժողովին և Կառավարությանը:
Հեղինակ
cocadmin
Lorem ipsum dolor sit amet, consectetur adipiscing elit. Nam viverra euismod odio, gravida pellentesque urna varius vitae. Sed dui lorem, adipiscing in adipiscing et, interdum nec metus. Mauris ultricies, justo eu convallis placerat, felis enim ornare nisi, vitae mattis nulla ante id dui.